Samsung-y, Huawei-ni we Xiaomi-ni bile alanyňda-da Apple aýfonlar bilen köp gazanýar

«Counterpoint Research» kompaniýasy öndürijileriň telefonlaryň satuwyndan näçe girdeji gazanýandyklaryny anykladylar. Olaryň arasynda Apple uly aratapawut bilen liderlik edýär.
Apple smartfonlaryň satuwyndan 66% girdeji gazanýar. iPhone telefonlary Samsung, Huawei, Xiaomi, Oppo we Vivo kompaniýalarynyň ähli enjamlaryny bile alanyňda hem has köp girdeji getirýär.
Bu bolsa gymmat bahaly gajetleri yzygiderli satyn alýan ABŞ-nyň, Ýaponiýanyň we Ýewropanyň ýaşaýjylarynyň arasynda iPhone telefonynyň has meşhurlygy bilen baglydyr.
Ikinji orunda Samsung. Oňa Android-öndürijileriň arasynda has köp girdeji düşýär (17%). Ýöne Apple fonunda bu barybir örän pes.
Hytaý kompaniýalary Ýewropa ýurtlarynda işjeň hereket edýändigine garamazdan, ýokary tapawut bilen “öwnüp bilenoklar”.
Analitikler köp operatorlar we 5G-li smartfonlar ýüze çykanda bu ýagdaýyň üýtgejekdigini aýdýarlar. Ilkinji nobatda munda hytaý öndürijileri üstün çykar, çünki olar 5G-li gajetleri ýokary baha bilen satyp bilýärler.
2019-njy ýylyň üçünji çärýeginde telefony öndürijiler $12 mlrd gazandylar. Bu bolsa geçen ýylyň şu döwri bilen deňeşdirilende 11% azdyr.
Girdejiniň peselmegini ekspertler kompaniýalaryň arzan gurluşlaryň assortimentini giňeldendigi, flagman modelleriniň satuwynyň bolsa pese gaçandygy bilen düşündirýärler.