«Täze Aý» kärhanasy Hytaý Halk Respublikasyna doňdurma eksport edýär. Ilkibaşda synag tapgyryndan başlap, ýylyň ahyrynda kärhana «Täze Aý» haryt nyşanly süýtli plombirleriň 110 tonnadan gowragyny eksport etmek boýunça sargyt aldylar.
Doňdurmaly konteýnerler eýýäm Hytaýyň Çžeszýan welaýatynyň demirgazyk gündogarynda ýerleşen Ninbo port şäherine düşürildi. Bäş millionlyk ilaty bolan bu şäher Türkmenistanda öndürilen süýtli plombirlere ýokary baha berdiler. Gazanylan ylalaşyklara laýyklykda, geljek ýylyň ýanwar aýyndan başlap, HHR-e yzygiderli esasda «Täze Aý» doňdurmalarynyň onlarça tonnasy eksport ediler.
2004-nji ýylda esaslandyrylan «Täze Aý» önümçilik birleşigi ýurdumyzda süýt we konditer önümleriniň, et önümlerini, şeýle hem doňdurmalaryň önümçiligi boýunça giňden meşhurdyr. Bu haryt nyşanly önümleriň görnüşleri sarp edijileriň arasynda uly islegden peýdalanýar we kompaniýanyň ýurduň tutuş çäginde hereket edýän dükanlarynda satylýar.
Türkmen doňdurmalary Hytaýa eksport edilip başlandy
- 20.12.2019 23:59
- 5.3k+
