Facebook we Google ABŞ-nyň iň gowy iş berijileriniň onlugyndan aşak düşdüler

Tehnologik ägirtleri bolan Facebook we Google köp wagtlap işgärler üçin döredýän ýeňillikleriniň we sylaglaryň kömegi bilen dünýäde iň bir özüne çekiji iş ýerleriniň biri hasaplanypdy. Häzir bolsa kompaniýalar öz reýtingini örän çalt ýitirýärler we netijede arzuw edilýän iş bolmakdan galýarlar.
«Glassdoor» kompaniýasy iş bilen iň gowy üpjün edijileriň her ýylky reýtingini neşir etdi, diýip Bloomberg habar berýär. Programma üpjünçiligini işläp düzüji HubSpot reýtingiň lideri boldy. Soňky 10 ýylyň içinde üç gezek birinji orny eýelän Facebook bolsa häzir 23-nji setirde ýerleşýär. Bu bolsa 2011-nji ýyldan bäri reýtingiň tutuş taryhynda sosial toruň iň pes pozisiýasydyr. 2018-nji ýylda Facebook Glassdoor sanawynda 7-nji orny eýeläpdi.
Google 2015-nji ýylda iň gowy iş orunlarynyň arasynda lider bolupdy, şeýle-de ol soňky 8 ýylda onluga hem girdi. Häzir bolsa kompaniýa 11-nji setirde ýerleşýär. Birwagtlar 25-lige girýän Apple bolsa 84-nji orny eýeledi. Amazon 12 gezek yzly-yzyna reýtinge girmedi.
Sanawy düzmek üçin Glassdoor işgärlerden işiň höweslendirmek, ýeňillik, korporatiw medeniýeti we ýokary ýolbaşçylyk ýaly nukdaýnazarlaryna degişli sorag etmek usulyny peýdalanýar. Meselem, Facebook-da köp işgärler mugt iýmitlenmek, korporatiw transport we egin-eşikleri ýuwmak hyzmaty ýaly ýeňillikleriň möçberinden närazy bolýarlar.