adidas dolulygyna gaýtadan işlenilýän krossowkalaryny hödürledi

Adidas sport brendi öndürilýän krossowkalaryň işlenilip taýýarlanylyşy barada gürrüň beripdi, indi bolsa ol dolulygyna gaýtadan işlenilýän jübüt bolan Futurecraft. Loop modeliniň nähili boljakdygyny görkezdi.
Sport aýakgaplary öndürmegiň kynçylygy onuň dürli materiallardan taýýarlanylýandygyndan ybaratdyr – rezinler, penist polimerleri, poliester, gaýyş we dokma önümleri, olary bölüşdirmek kyn we olaryň ählisi gaýtadan işläp taýýarlamaga degişli däl. Futurecraft. Loop aýakgaplary dabanyndan başlap bagjygyna çenli tutuşlaýyn bir polimerden ediler: bu TPU plastigi, ony häzirki wagtda 3D printerlerde ulanýarlar.
Futurecraft. Loop krossowkalary – ylgaw modeli, türgenler üçin hem, şeýle-de ýönekeý işjeň durmuşy söýüjiler üçin hem laýyk gelýär. Haçan-da jübütler ýyrtylan wagtynda olary gaýtadan işlemäge ibermek bolýar: krossowkalary maýdap, ownujak böleklere öwürerler, soňra ondan polimeriň dürli formalaryny etmek bolýar – süýüm, dokma däl polotno we massa.
Häzirki wagtda Futurecraft. Loop krossowkalaryny 5-10% goşmaça goşup, täze materiallardan öndürdiler, ýöne öndürijiler uzagyndan bu krossowkalary tutuşlaýyn gaýtadan işlenilmeli çig maldan öndürmek isleýärler. Modeli eýýäm dünýäniň ähli ýerinden 200 türgen barlap gördi, ýöne iş entek dowam edýär: krossowkalaryň köpçülikleýin satuwyna 2021-nji ýylda başlanar.