2020-nji ýylda işgärlere gerek bolan esasy tehniki başarnyklar

Global bazarynda bäsleşige ukyply bolmak üçin kompaniýalara işgärleriň bilim goruny giňeltmek gerek bolup durýar. Tehniki endikler iň aktual bolup galýarlar, ýöne olaryň toplumy derrew üýtgeýär, muňa garamazdan, olar diňe bir tehnologiýanyň çägindäki hünärmenlere däl-de, her kime hem gerekdir.
Udemy okuw onlaýn-platformasy 2020-nji ýylyň Workplace Learning Trends dokladyny hödürledi. Bu doklad 40 mln ulanyjydan sorag etmegiň netijesiniň esasynda döredildi. Kompaniýa adamlaryň haýsy bilimi gazanmaga yhlas edýändiklerini anyklady.
Aşakda işgärleriň eýýäm häzirki wagtda kämilleşdirýän, 2020-nji ýylyň iň meşhur tehniki endikleriniň onlugy hödürlenilen:
1.Python – bu programmirleme dili programma üpjünçiligini işläp düzmekde, infrastrukturalary dolandyrmakda we maglumatlary analizlemekde peýdalanylýar.
2.React (web) – ulanyjy interfeýsleri döretmek üçin JavaScript kitaphanasy.
3.Angular – web-programmalary işläp düzmek üçin JavaScript-iň esasynda döredilen açyk başlangyç kodly interfeýs programma platformasy.
4.Maşyn bilimi – algoritmleriň we statistik modelleriň ylmy derňewi.
5.Docker – konteýner diýlip atlandyrylýan programma üpjünçiliginiň paketlerini döretmek üçin açyk başlangyç kodly platforma.
6.Django – Python-yň esasyndaky açyk başlangyç kodly tölegsiz web-programma platformasy.
7.CompTIA – informasion tehnologiýa senagaty üçin professional şahadatnamalaryny berýän söwda däl tehniki gurama.
8.Amazon AWS – bulut tehnologiýalaryndan baş çykarýandygyny aňladýan şahadatnama.
9.Çuňlaşdyrylan bilim – Emeli neýro torlaryna gönükdirilen maşyn biliminiň bölümi.
10.React Native (mobile) – Android, iOS, Web we Windows hyzmatlaryny işläp düzmek üçin Facebook tarapyndan döredilen açyk başlangyç kodly mobil programmalaryň platformasy.