Türkmenistanyň Prezidentiniň gol çeken Permanyna laýyklykda, ýurdumyzyň çäginde hemişelik ýaşaýan we raýatlygy bolmadyk 863 sany adama Türkmenistanyň raýatlygy berildi. Bu barada Türkmenistanyň Döwlet habarlar agentligi habar berýär.
Resminama laýyklykda, Daşary işler ministrligine, Içeri işler ministrligine, Döwlet gümrük gullugyna degişli ministrlikler we edaralar bilen bilelikde raýatlygy bolmadyk Türkmenistanyň raýaty bolmak isleýän adamlaryň resminamalaryny düzetmek boýunça işleri dowam etmek bellenildi.
20-nji sentýabrda geçirilen hökümet mejlisinde Prezident Gurbanguly Berdimuhamedowyň belleýşi ýaly, BMG-niň agzasy bolmak bilen Türkmenistan öz üstüne alan ähli borçnamalaryny ýerine ýerine ýetirýär. Şeýle hem ýurduň Konstitusiýasyna, BGM-niň bosgunlar hakyndaky dürli Konwensiýalaryna laýyklykda raýatlygy bolmadyk adamlara goldaw hyzmatyny berýärler.
Wise-premýer, daşary işler ministri R.Meredowa we Döwlet howpsuzlyk geňeşiniň sekretary Ý.Berdiýewe Türkmenistanyň täze raýatlaryny pasportlar bilen üpjün etmek tabşyryldy. welaýatlaryň häkimlerine olaryň dabaraly ýagdaýda gowşurylmagyny we zerur bolan ýagdaýlarynda olaryň işe ýerleşmegine we jaý üpjünçiligine ýardam etmek tabşyryldy.
Raýatlygy bolmadyk 863 sany adama Türkmenistanyň raýatlygy berildi
- 20.09.2019 22:41
- 10k+
