Ýewropa Bileleşigi ýurtlaryna wiza almaklygyň düzgüni üýtgedildi

Ýewropa Bileleşigi (ÝB) wiza bermekligiň düzgünlerine üýtgeşmeler girizdi. Bu üýtgeşmeler Bileleşige girýän ýurtlara syýahat etmekligi ýeňilleşdirer we migrasiýa çökgünligi meselesini çözmäge ýardam eder. Bu barada penşenbe güni Brýusselde ÝB-niň Geňeşiniň ýaýradan beýanynda bellenilýär, diýip TASS agentligi habar berýär.
«ÝB Geňeşi wiza kodeksine üýtgeşmeler girizdi, bu üýtgeşmeler kanuny hukukly (legal) syýahatçylar üçin amatly şertleri döreder, şeýle hem legal däl migrasiýa bilen bagly meseleleri çözmäge degişli gurallary giňelder» diýlip beýanda bellenilýär. Geňeşiň beýan etmegine görä, «täze düzgünler kanuny hukukly syýahatçylar üçin wiza almaklygy ýeňilleşdirer we tizleşdirer».
«Täze düzgünler wiza almak üçin 6 aý öňünden we sapara gidilmegine 15 gün galandan gijä galman arza tabşyrmaga rugsat berýär, arzany elektron görnüşde doldurmaga we gol çekmäge mümkinçilik berýär, položitel wiza taryhy bolan hemişelik syýahatçylar üçin 1 ýyldan 5 ýyla çenli artýan döwür üçin köp gezeklik wiza almaga rugsat berýär» diýlip beýanda aýdylýar.
Şol bir wagtda ÝB konsullyk ýygymyny 60-dan 80 ýewro çenli artdyrdy. «ÝB agza döwletleriň arza berijilere bökdençlikleri döretmezden wiza resmileşdirmeleri üçin çykdajylary oňat ödemegi üçin wiza ýygymlary 80 ýewro çenli artdyrylar. Düzgünnama laýyklykda, wiza töleglerine üýtgeşmeler girizmek meselesine her üç ýyldan serediler» diýip ÝB Geňeşi nygtaýar.