Apreliň ahyrynda maýyň başynda ýaponlar ömürlerinde ilkinji gezek bassyr 10 günläp dynç alyp bilerler. Işde ýatyp-turýan adamlar hasaplanýan ýaponlar üçin bu görlüp eşidilmedik zat. Göräýmäge garaşylmadyk ýerden ýüze çykan bu dynç alyş ilat arasynda gyzgyn garşy alynaýjak ýaly. Emma on günläp hiç zat etmän gezmekligi Ýaponiýanyň ilatynyň ýarysyndan hem az bölegi makullaýar. Bu diýildiginiň ýaponlaryň dynç almagy halamaýandygyny aňlatýandygyny ýa-da däldigini Ria Nowosti habarlar agentliginiň habarçylary öwrenipdir.
Şu ýyl hökümetiň kararyna laýyklykda, Ýaponiýada 27-nji aprelden 6-njy maý aralygynda dynç alyş yglan edildi. Munuň sebäbi hem şol günlerde Ýaponiýanyň imperatory Akihito tagtdan aýrylyp, onuň ýerine mirasdüşer şazada Naruhitonyň geçmek dabarasy bolar.
«Dynç almagy başarmaýarys»
Cross Marketing Group Inc. kompaniýasynyň getiren statistik maglumatlaryna görä, pikir soraşylanlaryň diňe 40 göterimi öňde boljak dynç alşa sabyrsyzlyk bilen garaşýar. Jogap berenler şol günlerde ýollarda ýüze çykjak ýol dykynlaryndan (ol bolsa gürrüňsiz ýüze çykar, sebäbi 127 million ýaponlylar şol bir wagtda ýurt boýunça syýahat etmäge çykar), dynç günlerde boljak çykdajylardan (çünki şol günlere pul tölenmeýär), şeýle hem ýadawlykdan zeýrenýärler.
Expedia Japan kompaniýasynyň geçiren barlaglarynyň netijelerine görä, tölegli dynç alşa ilatyň ýarsy çykar. Munuň esasy sebäbi — otpusk alyp, öz işiňi başga biriniň üstüne ýüklemegi gelşiksiz görýändikleridir.
