Syýahatçylygyň iň ýörgünli görnüşleri

  • 16.04.2019 09:52
  • 2.4k+

Dünýä boýunça syýahatçylygyň dürli görnüşleri barha ýörgünli häsiýete eýe bolýar. Olaryň käbirleri barada durup geçeliň.

Oba syýahatçylygy. Bu syýahatçylygyň maksady haýsy hem bolsa bir oba ýerine baryp, sygyr sagmagy, mellekde bakja önümlerini ýetişdirmegi, ot ormagy, towuklara iým bermegi öwrenmegi göz öňünde tutýar. Bu işlere derek size mugt ýatalga jaýy we nahar hem berlip bilner. Kähalatlar bolsa bular üçin tölemeli bolar. Mundan başga-da, oba syýahatçylygy çeşmäniň boýunça dynç almagy, tokaýda gezelenç etmegi, balyk tutmagy, gaýykda aýlanmagy, mangal ýaly güýmenjeleri öz içine alyp biler. Syýahatçylygyň bu hili görnüşi Fransiýa, Germaniýa, Hindistan, ABŞ ýaly ýurtlarda ýörgünli.

Jaýloo-syýahatçylyk. Bu syýahatçylygyň ekstremal görnüşleriniň biri. Munda häzirki siwilizasiýanyň miwelerinden uzakda, ilki durmuş adamzat gurluşygynyň däpleri saklanyp galan taýpalaryň arasynda ýaşamak göz öňünde tutulýar. Bu hili syýahatçylyk Afrikada, Sibir tokaýlyklarynda, Demirgazyk Amerikada, Amazonka tokaýlarynda ýörgünlidir.

Kinosyýahatçylyk. Geçirilen barlaglara görä, syýahat edýänleriň 40%-i meşhur kinofilmleriň düşürilen ýerlerinde bolup görmek isleýär. Kino muşdaklary söýgüli kinolarynyň düşürilen ýerlerinde bolup görmek üçin pullaryny gaýgyrmaýarlar. Nýu-Ýork -  köpsanly filmleriň düşürilen ýeridir. Bu ýerde Godzilla, King-Kong, «Möý Adam» filmleri düşürildi.

Aşhana syýahatçylygy. Tejribeli syýahatçylar islendik halkyň tagamlaryny dadyp, şol halkyň aýratynlyklary dogrusynda has köp zat bilip bolýandygyny bilýärler. Bu syýahatyň netijesinde siz daşary ýurtlardan gymmatly reseptleri getirip bilersiňiz. Aşhana syýahatçylygy Çehiýa, Wengriýa, Şotlandiýa, Fransiýa, Italiýa, Ispaniýa ýaly ýurtlarda ösendir.

Rekord goýmak maksady bilen syýahatçylyk. Bu hem syýahatçylygyň täsin görnüşlerini biridir. Bu syýahatçylar ýola düşmezden öň Ginnesiň rekordlar kitabyna arza berýärler. Mysal üçin, iň garry syýahatçy hökmünde 106 ýaşly ýaponiýaly Saburo Şoçi hasaba alyndy. Ol 56 müň kilometrden gowrak aralygy jemgyýetçilik ulagynda geçdi, 6 döwlete, şol sanda, Bolgariýa, Kanada we Günorta Afrika Respublikasyna bardy. Iňlis Jeýms Bothorp bolsa welosipedli 174 günde 18 müň mil we 20 döwlete aýlandy. Bu netijä ýetmek üçin ol günde 14 sagat pedal aýlamaly bolupdyr. Ol welosipedde dünýäniň daşyndan iň tiz aýlaw eden adam hökmünde rekord goýdy.

şu gün 12:41
958

2024-nji ýylda Ýaponiýa 37 million syýahatçy baryp, 51 milliard dollar girdeji getirdi

2024-nji ýylda Ýaponiýa, takmynan, 37 million syýahatçyny kabul etdi. Bu görkeziji 2019-njy ýyldan bäri iň ýokary derejä ýetdi. Şol ýyl 33,4 million adam Ýaponiýany görmäge barypdy. 2024-nji ýyldaky syýahatçylaryň...

düýn 15:22
8.9k+

Dünýäniň iň sarsgynly howa ugurlarynyň reýtingi düzüldi

Argentinanyň Mendosa şäherinden Çiliniň paýtagty Santýago şäherine ugur dünýäde iň sarsgynly (turbulent zolagyna düşýän) awiagatnaw boldy. Turbli serwisiniň maglumatlaryna görä, bu ugurda sarsgynlylygyň ortaça...

13.01.2025 16:48
20k+

Turkish Airlines Aşgabat-Stambul-Aşgabat gatnawlaryna arzanlaşyk aksiýasyny yglan etdi

"Turkish Airlines" awiakompaniýasy Walentin güni mynasybetli iki bolup syýahat edýän ýolagçylar üçin ýörite aksiýa yglan etdi. Aksiýa ýalyklykda, Aşgabat-Stambul-Aşgabat gatnawy boýunça iki ýolagçy üçin biletiň bahasy...

13.01.2025 14:19
2.5k+

Tailand syýahatçylara synag görnüşinde bitkoin bilen töleg etmäge rugsat berýär

2025-nji ýylda Phuketde syýahatçylara harytlar we hyzmatlar üçin bitkoin bilen töleg etmäge mümkinçilik berýän synag taslamasy işe girizilýär. Bu barada Tailandyň maliýe ministri Piçai Çunhawajira yglan etdi diýip...