Aşgabatda 2020-nji ýylda sambo boýunça dünýä çempionaty geçiriler

  • 28.03.2019 14:26
  • 1.3k+

Halkara sambo federasiýasy (FIAS) Moskwada geçen mejlisinde 2020-nji ýylda sambo boýunça dünýä çempionatyny Türkmenistanyň paýtagty Aşgabatda geçirmek hakynda karar kabul etdi.

Türkmenistanyň Olimpiýa komitetiniň baş sekretary Azat Myradow FIAS-nyň mejlisiniň dowamynda oňa gatnaşyjylary iri halkara ýaryşlaryny geçirmekde ýurdumyzyň baý tejribesiniň bardygyna ynandyrdy.

Ýaryşyň baýrak fondunyň 216 müň amerikan dollaryna barabar bolmagyna garaşylýar – diýip FIAS-nyň prezidenti Wasiliý Şestakow belleýär, diýip sng.today habar berýär.

Şeýle hem, FIAS-nyň Ýerine ýetiriji komitetiniň kararyna laýyklykda, ussatlaryň (weteranlaryň) arasynda sambo boýunça dünýä çempionaty Kiprde 2019-njy ýylyň 18-21-nji oktýabrynda geçiriler.

2020-nji ýylda başlap şeýle hem kenarýaka sambo boýunça dünýä çempionaty we sambo boýunça toparlaýyn Dünýä kubogy geçiriler. Sambo boýunça 2019-njy ýylda dünýä çempionaty Seulda (Koreýa Respublikasy) 7-11-nji noýabr aralygynda geçiriler.

Mundan öň türkmen paýtagtyndaky Olimpiýa şäherçesinde 2017-nji ýylda Ýapyk binalarda we söweş sungaty boýunça V Aziýa oýunlary, 2018-nji ýylda bolsa, «Amul – Hazar 2018» halkara awtorallisi we Agyr atletika boýunça Dünýä çempionaty üstünlikli geçirildi.

25.09.2025 21:15
10k+

«Arkadag» FK ikinji gezek Türkmenistanyň Naýbaşy kubogyny aldy

«Arkadag» futbol topary Türkmenistanyň Naýbaşy kubogyny yzly-yzyna ikinji gezek eýeledi. Aşgabatdaky «Nusaý» stadionynda geçirilen duşuşykda «Arkadag» «Ahaldan» 3:0 hasabynda üstün çykdy. Ýeňijileriň düzüminde iki goly Altymyrat Annadurdyýew (52-nji hem-de 63-nji minutlar), ýene bir topy bolsa Mirza Beknazarow (14) geçirdi...

24.09.2025 18:59
11k+

Ankalaýew – Pereýra, Dwalişwili – Sendhagen: UFC 320-niň söweşleriniň sanawy

2025-nji ýylyň 5-nji oktýabrynda Las-Wegasdaky T-Mobile Arena-da UFC 320 ýaryşy geçiriler. Agşamyň esasy söweşlerinde tomaşaçylara ýarym agyr agramda russiýaly çempion Magomed Ankalaýew bilen braziliýaly Aleks Pereýranyň, şeýle-de has ýeňil agramda titulyň eýesi gruziýaly Merab Dwalişwili bilen amerikaly Kori Sendhageniň tutluşyklary garaşýar...

23.09.2025 17:54
2.4k+

Olimpiýa komiteti Oýunlar wagty türgenleriň sosial ulgamlary işjeň ýöretmegini isleýär

Olimpiýa komiteti türgenlerde ýaryşlaryň dowam edýän wagtynda sosial ulgamlarda köpräk post goýmaga höwes döretmegi meýilleşdirýär diýip, Variety habar berýär. HOK-nyň wise-prezidenti Žerom Parmantýe 2024-nji ýylda Parižde geçirilen Oýunlarda türgenleriň sosial ulgamlarda paýlaşan kontentleriniň 8 mlrd töweregi laýk, repost we teswir ýygnandygyny belledi...

23.09.2025 11:03
6k+

Wiktor Dýokereş iň gowy bombardir bolup, Gerd Mýuller baýragyny aldy

Tomusky transfer penjiresinde “Arsenalyň” oýunçysy bolan Wiktor Dýokereş France Football tarapyndan möwsümiň jemi boýunça iň gowy bombardir diýlip ykrar edildi. Ol Gerd Mýuller adyndaky baýraga mynasyp boldy. Geçen möwsümde Dýokereş Lissabonyň “Sportinginde” oýnap, Portugaliýanyň çempionatyny we Kubogyny utdy...