Müsür daşary ýurtly syýahatçylar üçin «tax free» ulgamyny işe girizer

Müsür daşary ýurtly syýahatçylar üçin «tax free» ulgamyny işe girizer

Müsüriň hökümeti daşary ýurtly syýahatçylar üçin beýleki ýurtlarda ulanylýan mehanizme meňzeş «tax free» ulgamyny goýbermegi meýilleşdirýär diýip, Sada El Balad gazeti habar berýär.

«Müsüriň Ministrler Kabineti ýurtdan gidýän daşary ýurtly myhmanlar üçin goşulan baha salnan salgydyň öwezini doluş ulgamyny (SÖDU) durmuşa ornaşdyrmak maksady bilen, Global Blue Egypt müsür operator-kompaniýasyny döretmek hakynda Maliýe ministrliginiň teklibini makullady»  — diýip, neşir ýazýar.

Gazetiň bellemegine görä, syýahatçylaryň arasynda ýörgünli ýurtlaryň köpüsinde edilişi ýaly, «tax free» Müsürden gidilmeziniň öňýany howa menzillerinde resmileşdirilýär. Şeýle-de bolsa, SÖDU boýunça taslamanyň durmuşa geçiriliş möhleti heniz bellenmedi.
«Tax free-ni» girizmek baradaky karar «2030-njy ýyla çenli döwür içinde Müsüriň görnüşi» taslamasynyň çäklerinde SÖDU hakyndaky kanunyň düzgünnamalaryny durmuşa geçirmek, Müsür döwletiniň sanly transformasiýasynyň strategiýasy we syýahatçylygy hem-de şoppingi ösdürmek boýunça tagallalary bilen bagly kabul edildi diýip, Müsüriň hökümetinde düşündirdiler.