Toyota kompaniýasy maý aýy üçin awtomobil satuwynyň we önümçiliginiň görkezijileri bilen hasabatyny neşir etdi. Global satuwyň pese gaçyşy bassyr dokuzynjy aý dowam edýär. Ol mikroçipleriň ýetmezçiligi, şeýle-de täze koronawirus ýaýrawy we karantin çäreleri bilen baglanyşyklydyr diýip, mag.auto.ru habar berýär.
Maý aýynda Ýaponiýanyň awtoulag ägirdi 761 466 ulag satdy, bu bolsa bir ýyl ozalkydan 9,4% azdyr. Meýilleşdirilen 700 000 awtomobiliň deregine geçen aý 634 940 awtomobil ýygnaldy. Onuň üstesine-de, Ýaponiýada önümçilik 28,5% (144 204 awtoulaga çenli) azaldy, beýleki ýurtlarda 4,6% (490 736 awtoulaga çenli) artdy. Geçen aý Toyota-nyň satuwy Ýaponiýada 86 544 awtomobil boldy. Bu 2021-nji ýylyň maý aýyndaky netijeden 20%-den gowrak ýaramazdyr. Beýleki ýurtlarda satuw 7,7% azalyp, 674 922 awtoulag boldy.
Şu aýyň başynda Toyota iýul aýynda awtomobil önümçiliginiň meýilleşdirilen göwrümine çykyp bilmejekdigini habar berdi. Tutuş dünýäde zawodlardan 850 000 awtomobiliň deregine 800 000 awtomobil çykyp biler. Şeýle-de bolsa, kompaniýa 2022-nji ýylda 9,7 mln awtomobil ýygnamak meýilnamasyny güýjünde saklaýar.
