Tokioda iýun aýynyň ahyrynda howanyň ortaça temperaturasy 1875-nji ýyldan bäri alnyp barylýan gözegçiligiň dowamynda bu döwür üçin rekord derejeli boldy. Bu barada “Nikkei” gazeti habar berdi diýip, TASS belleýär.
Şeýlelikde, 21-nji iýundan başlap, 29-njy we 30-njy iýun üçin çaklamalary hasaba alyp, Tokioda gündelik ortaça temperatura Selsiý boýunça 32,8 gradus bolar. Öňki rekord Selsiý boýunça 30,8 gradus 1946-njy we 1963-nji ýyllarda goýuldy.
Iýun aýynda Ýaponiýanyň paýtagtynda yssy howa geçen hepdäniň ahyrynda ýagyş möwsümi tamamlanandan soň başlady. Paýtagt sebiti üçin bu ýagyş möwsümi 1951-nji ýyldan bäri iň gysgasy boldy. Geçen dynç günleri Ýaponiýanyň gündogaryndaky Isesaki şäherinde iýun aýy üçin absolýut temperatura rekordy goýuldy – ol Selsiý boýunça 40,1 gradus boldy.
Ýapon häkimiýetleri ýurduň ýaşaýjylaryny, aýratynam, garry adamlary saglyk ýagdaýlaryna ünsli garamaga, Günüň aşagynda köp gezmezlige we köpräk suw içmäge çagyrýar.
