«Mançester Siti» geçen möwsümde iň girdejili futbol kluby boldy

«Mançester Siti» geçen möwsümde iň girdejili futbol kluby boldy

Konsalting we audit ugrunda hyzmatlary hödürleýän Deloitte halkara kompaniýalar tory geçen möwsümde ýewropa klublarynyň girdejileri barada maliýe hasabatyny neşir etdi. Bu barada championat.com habar berýär.

Şeýlelikde, 2020/2021-möwsüminde Angliýanyň “Mançester Sitisi” iň köp girdeji gazanan futbol kluby boldy. Onuň girdejisi 644,9 mln ýewro barabar. Ikinji orny 640,7 mln ýewro girdeji bilen Madridiň “Realy” eýeledi. Liderleriň üçlügini 611,4 mln ýewro bilen Mýunheniň “Bawariýasy” jemleýär.

Iň köp girdeji gazanan futbol klublarynyň onlugy şeýle görnüşde:

  • “Mançester Siti” – 644,9 mln ýewro;
  • “Real” – 640,7 mln ýewro;
  • “Bawariýa” – 611,4 mln ýewro;
  • “Barselona” – 582,1 mln ýewro;
  • “Mançester Ýunaýted” – 558 mln ýewro;
  • “Pari Sen-Žermen” – 556,2 mln ýewro;
  • “Liwerpul” – 550,4 mln ýewro;
  • “Çelsi” – 493,1 mln ýewro;
  • “Ýuwentus” – 433,5 mln ýewro;
  • “Tottenhem” – 406,2 mln ýewro.