2022-nji ýylyň dowamynda Türkmenistanda iri halkara çäreleriň birnäçesi geçiriler. Olara taýýarlyk işleri barada Hökümetiň 4-nji martda geçirilen sanly ulgam arkaly mejlisinde wise-premýer, daşary işler ministri Raşid Meredowyň hasabatynda aýdyldy.
Hususan-da, şu ýylda ýurdumyzda geçiriljek möhüm halkara çärelere taýýarlygyň dowam edýändigi habar berildi. Şol çäreleriň hatarynda:
- Hazarýaka ýurtlaryň döwlet Baştutanlarynyň VI sammiti,
- Merkezi Aziýa döwletleriniň we Russiýa Federasiýasynyň birinji parlamentara forumy,
- BMG-niň deňze çykalgasy bolmadyk ösüp gelýän döwletleriň ulag ministrleriniň maslahaty bar.
Şunuň bilen birlikde, döwlet Baştutany täze saýlanan Türkmenistanyň Prezidentiniň gatnaşmagynda meýilleşdirilýän halkara çäreleriň sanawyny düzmegi hem-de ony seretmek üçin hödürlemegi tabşyrdy.