Abu-Dabide geçirilen görkezme ýaryşynda russiýaly tennisçi Andreý Rublýow ýeňiji boldy.
Bir ýarym sagada çeken final duşuşygynda rus tennisçisi şotlandiýaly Endi Mýurreýi ýeňdi. Hasap 6:4, 7:6 (7:2) boldy.
Dünýä reýtinginde bäşinji orny eýeleýän Rublýow ýarym finalda Kanadanyň wekili Denis Şapowalowy 7:6 (7:5), 3:6, 6:4 hasabynda ýeňdi. Üçünji ýer ugrundaky oýunda Şapowalow 6:7 (4:7), 6:3, 10:6 hasabynda ispaniýaly Rafael Nadaldan üstün çykdy.
2009-njy ýyldan bäri her ýyl geçirilýän bu ýaryşa alty sany erkek tennisçi we iki sany zenan tennisçi gatnaşdy. Rublýow bu ýaryşda ýeňiji bolan ilkinji russiýaly tennisçi boldy.
