Şwesiýanyň ekologiýa taýdan arassa polat öndürijisi HYBRIT “rewolýusion” metaly öndürip, ilkinji gezek ýola goýdy. Kompaniýa häzirki wagtda dünýädäki kömürturşy gaz zyňyndylarynyň sekiz göterimi paýyna düşýän polat pudagyny düýpgöter üýtgetmek kararyna geldi diýip, Reuters ýazýar. Muny osnmedia.ru ýetirýär.
HYBRIT-iň ilkinji müşderisi Volvo awtomobil kompaniýasy boldy, ol arassa poladyň synag tapgyryny aldy. Arassa metalyň täjirçilik önümçiligi 2026-njy ýylyň başyna meýilleşdirilýär.
HYBRIT kompaniýasynyň özi täze önümi geçen ýyl Luleo şäherindäki zawodda synagdan geçirip başlady. Adaty polady öndürmek üçin kömür gerek, ýöne HYBRIT ony elektrik we “ýaşyl” wodorod bilen çalşyrdy. Şwesiýada uglerod zyňyndylarynyň 10 göterimi we Finlýandiýada 7 göterimi paýyna düşýän SSAB metallurgiýa kompaniýasynyň wekilleri täze poladyň synag üpjünçiliginiň kömürden ýüz öwürmek üçin möhüm ädimdigini belleýärler.
Şwesiýanyň başga bir kompaniýasy H2 Green Steel hem ýurduň demirgazygynda ekologiýa taýdan arassa polady öndürmek boýunça zawody gurmagy meýilleşdirýär. Mundan başga-da, 2024-nji ýylda ol gaýtadan dikeldilýän çeşmelerden wodorod alyp başlar.