Jonni Depp San Sebastiandaky film festiwalynyň iň ýokary baýragyna mynasyp bolar

Jonni Depp San Sebastiandaky film festiwalynyň iň ýokary baýragyna mynasyp bolar

Holliwudyň meşhur ýyldyzy Jonni Depp kino älemindäki goşandy üçin San Sebastiandaky film festiwalynyň iň ýokary baýragyny - "Donostiýa" baýragyny alar. Bu barada kulturomania.ru habar berdi.

"Häzirki zaman kinosynyň iň zehinli we köpugurly aktýorlaryndan biri bolan Jonni Depp 22-nji sentýabrda 69-njy San Sebastian film festiwalynyň çäginde Kursaal zalynda "Donostiýa" baýragyny alar" diýip, film festiwalynyň web sahypasy emin agzalarynyň sözlerini getirýär.

Geçen ýyl San Sebastian film festiwalynda Jonni Depp bilen režissýor Julýen Templ “Şeýn Makgowan bilen ýene bir gezekden” atly dokumental filmi tanyşdyrypdylar.

San Sebastian film festiwaly 1953-nji ýyldan bäri geçirilip gelinýär. Görkezişiň iň ýokary baýraklary - iň gowy film üçin berilýän "Altyn balykgulak", iň oňat aktýor, aktrisa we režissýor üçin berilýän "Kümüş balykgulak", şeýle hem Donostiýa baýraklary hasaplanýar. Ondan öň bu baýraga Emili Uotson, Sigurni Uiwer, Itan Houk, Monika Belluçi we başgalar mynasyp bolupdylar.