Türkmenistanyň Ministrler Kabinetiniň Başlygynyň orunbasary Serdar Berdimuhamedowa «Sankt-Peterburgyň halkara gatnaşyklary ulgamyndaky aýratyn hyzmatlary üçin» hormat nyşany gowşurylar. Sankt-Peterburgyň gubernatorynyň degişli karary şäher administrasiýasynyň saýtynda ýerleşdirildi.
Hormat nyşany şeýle hem şäheriň häzirki gubernatory A.Beglowa, öňki şäher ýolbaşçylary — W.Matwiýenko we G.Poltawçenko, daşary aragatnaşyklar boýunça şäher komitetiniň ýolbaşçysy Ý.Grigorýewe, «Halkara gatnaşyklarynyň Sankt-Peterburg assosiasiýasy» müdirliginiň ýolbaşçysy M.Mudraga, «Ermitaž» muzeýýiniň direktorynyň orunbasary A.Prohorenko, «Russiýanyň gurluşykçylar birleşiginiň» direktorlar geňeşiniň ýolbaşçysy W.Ýakowlewe, Ýerewan şäheriniň administrasiýasynyň daşary aragatnaşyklar bölüminiň başlygy D.Geworgýana berler.
Bu hormat nyşany 2021-nji ýylyň fewral aýynda döredildi. Ol halkara gatnaşyklarynyň ösdürilmegine düýpli goşant goşan şahslara gowşurylýar.