Türkmen Lideri ýakynda welaýatlara iş saparyny amala aşyrar

  • 01.07.2021 13:04
  • 19k+

30-njy iýunda Prezident Gurbanguly Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary E.Orazgeldiýewiň hem-de welaýatlaryň häkimleriniň gatnaşmagynda iş maslahatyny geçirdi.

Maslahatyň barşynda türkmen Lideri ýakynda Balkan we Daşoguz, Ahal we Mary welaýatlaryna iş saparlaryny amala aşyrjakdygyny aýtdy, bu sebitlerde Watanymyzyň mukaddes Garaşsyzlygyň 30 ýyllygy mynasybetli täze binalaryň we desgalaryň açylyş dabaralary bolar.
Maslahatyň dowamynda şeýle hem Diýarymyzyň daýhanlarynyň gazanan zähmet ýeňşi, şu günler ýurdumyzyň ekerançylyk meýdanlarynda alnyp barylýan, galla oragy bilen bir hatarda, gowaça we beýleki ekinlere idegiň agrotehnikanyň talaplaryna laýyk ýola goýulmagy babatda dowam edýän işler barada hasabat diňlenildi.
Welaýat häkimleri mukaddes Garaşsyzlygymyzyň şanly 30 ýyllygynyň hormatyna açylmagy meýilleşdirilýän desgalaryň gurluşyk işleriniň depgini barada hasabat berdiler.
Türkmen Lideri guşgursak ak bugdaýdan bol hasylyň ýetişdirilmeginiň daýhan yhlasynyň ýerine düşendigine güwä geçýändigini belläp, onuň tebigatyň ynsana berýän mukaddes peşgeşidigini, bu ugurda alnyp barylýan işleriň oba hojalygynyň häzirki zaman ösen tejribesine laýyklykda dowam etdirilmelidigini belledi.


28.11.2025 10:19
2.3k+

Türkmenistan we Gazagystan oba hojalyk önümleri üçin «ýaşyl geçelge» döretmegi maslahatlaşdylar

Türkmenistanyň wise-premýeri Hojamyrat Geldimyradow Astana şäherinde Gazagystanyň Premýer-ministriniň orunbasary – milli ykdysadyýet ministri Serik Žumangarin bilen duşuşyk geçirdi. Taraplar oba hojalyk önümleri üçin «ýaşyl geçelge» döretmek we täze logistika taslamalaryny ara alyp maslahatlaşdylar...

27.11.2025 15:45
2.3k+

Türkmenistanyň we Gazagystanyň oba hojalyk toplumynyň haryt dolanyşygy 37,5% artdy

Türkmenistanyň we Gazagystanyň arasyndaky oba hojalyk toplumynyň haryt dolanyşygy dokuz aýda $103 million dollara ýetdi. Ösüş 37,5% boldy diýip, Orient Gazagystanyň Oba hojalygy ministrliginiň maglumatlaryna salgylanyp habar berýär...

26.11.2025 11:26
3.7k+

Türkmenistanyň azyk harytlary Erbilde Agro Pack Iraq 2025 sergisinde görkezildi

24-nji noýabrda Yragyň Erbil şäherinde "Agro Pack Iraq 2025" - azyk önümlerini gaýtadan işlemek we gaplamak tehnologiýalary boýunça sekizinji halkara sergisi öz işine başlady. Çäre Erbil International Fairground meýdançasynda geçip, sebitiň ähli künjeklerinden öňdebaryjy öndürijileri, maýadarlary hem-de azyk we logistika pudagynyň hünärmenlerini bir ýere jemledi...

26.11.2025 11:01
2.1k+

FAO Türkmenistanda epidemiologik gözegçilik boýunça okuw maslahatyny geçirýär

2025-nji ýylyň 24-29-njy noýabry aralygynda Aşgabatda keselçilik ojaklaryny derňemek boýunça ýöriteleşdirilen okuw maslahaty geçirilýär. Türgenleşik Türkmenistanyň weterinariýa gullugynyň, saglygy goraýyş ulgamynyň we tebigaty goramak düzümleriniň hünärmenleri üçin guraldy...