“Gremmi” baýragynyň gowşurylyş düzgüni 2022-nji ýyldan üýtgär

  • 06.05.2021 19:34
  • 4.1k+

ABŞ-nyň Milli ses ýazgysy sungaty we ylymlary akademiýasy (NARAS) 2022-nji ýyldan dalaşgärleri saýlamak we “Gremmi” baýragyny gowşurmak düzgünlerini üýtgeder. Bu barada akademiýanyň saýtyna salgylanyp, Regnum habarlar agentligi habar berilýär.

Baýragyň gowşurylyş tertibindäki esasy üýtgeşme dalaşgärleri saýlan komitetlerden ýüz öwürmek bolar. Bu komitetler aýdym-saz pudagynyň 30-a golaý wekilinden ybarat bolup, olar dürli kategoriýalarda baýraga dalaşgärleri saýladylar.
Şol bir wagtyň özünde bu komitetleriň agzalarynyň atlary mälim edilmeýärdi. Bu ulgam 1989-njy ýyldan bäri hereket edýär. 2022-nji ýyldan başlap, nominasiýalaryň köpüsinde baýraga dalaşgärleri saýlamak akademiýanyň ähli agzalarynyň ses bermegi esasynda geçiriler.
Mundan başga-da, akademiýa iki sany täze baýrak kategoriýasyny girizer: “Iň gowy global aýdym-saz çykyşy” we “Iň gowy Musica Urbana albomy”. Şeýle-de, “Gremmi” guramaçylary akademiýanyň 90%-den gowrak agzasynyň arasynda gaýtadan hünär synagyny geçirer. Şeýle etmek bilen, akademiýa ses berijileriň “aýdym-saz we aýdym-saz durmuşyny döretmäge işjeň gatnaşýandygyna” göz ýetirer.
Şu ýyl “Gremmi” baýragynyň gowşurylyş dabarasy mart aýynyň ortalarynda Los-Anjelesde geçirildi. Çäräniň ýaýlymyna 8,8 mln adam tomaşa etdi.

şu gün 09:20
130

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:15
341

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...

şu gün 09:06
351

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

düýn 23:12
5.2k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...