Italiýa hökümetiň talaplaryny ýerine ýetiren syýahatçylar üçin serhetlerini açmaga taýýar. Meşhur ýewropa ýurdunda syýahatçylyk işjeňligi 2-nji iýunda, Italiýada Respublikanyň gününiň bellenilýän wagtynda dikeldilip bilner. Bu barada syýahatçylyk ministri Massimo Garawalýanyň sözlerine salgylanyp, Russiýanyň Syýahatçylyk operatorlary assosiasiýasy habar berýär. Muny severpost.ru ýetirýär.
Ministriň aýtmagyna görä, ýurda girmäge rugsat bermegiň üç esasy şerti bar: doly sanjym kursuny geçmek, koronawirus üçin otrisatel barlag we üçünjisi bolsa, respublikanyň hökümetine bagly. Bu ýurtda sanjym kampaniýasyny geçirmek wariantydyr.
Massimo Garawalýa döwletiň daşary ýurtly syýahatçylary kabul etmäge taýýar boljakdygyny we COVID-19-yň ýaýramagynyň öňüni almak üçin ähli zerur çäreleri görjekdigini belledi.
Italiýanyň syýahatçylyk möwsümine 2-nji iýundan taýýarlygy baradaky maglumatlary ýurduň premýer-ministri Mario Dragi hem tassyklady. Ol daşary ýurtlularyň ýoklugynyň “sungat şäherlerine” ýaramaz täsir edýändigi sebäpli, tomus möwsümine taýýarlyk görmegiň we mundan boýun gaçyrmazlygyň möhümdigini belledi.
30-njy aprele çenli Italiýada raýatlaryň daşary ýurtlara gitmegine çäklendirmeler hereket edýär. Ýurda gelýänler koronawirus üçin barlag tabşyrmaly we karantini berjaý etmeli – ÝB-niň raýatlary üçin bäş gün we beýleki ýurtlaryň ýaşaýjylary üçin iki hepde.
