Türkmenistanda epidemiologik çäklendirmeleriň möhleti mart aýyna çenli uzaldyldy

  • 31.01.2021 10:30
  • 39k+

Sebitdäki we dünýädäki çylşyrymly epidemiologik ýagdaýy nazara alyp, raýatlaryň saglygyny goramak maksady bilen Türkmenistanda söwda we jemgyýetçilik kärhanalarynyň, medeniýet we hyzmat desgalarynyň işine, şeýle hem gatnawlara girizilen çäklendirmeler 2021-nji ýylyň 1-nji martyna çenli uzaldyldy. Bu barada ORIENT agentligi habar berýär.

Bellenilen senä çenli ýurtda söwda (azyk we gündelik zerurlykdaky harytlaryň söwdasy bilen meşgullanýan dükanlardan başgalary) we jemgyýetçilik iýmiti kärhanalarynyň (toý mekanlarynyň, restoranlarynyň, kafeleriň we naharhanalaryň) işi çäklendirilýär.
Şeýle hem kinoteatrlaryň, teatrlaryň, oýun attraksion seýilgähleriniň, muzeýleriň, gözellik salonlarynyň, hammamlaryň we sport desgalarynyň (suwda ýüzülýän howuzlaryň, fitnes we aerobika klublarynyň) işi çäklendirilýär. Çäklendirmeler şeýle hem eýeçiliginiň görnüşine garamazdan, gysga möhletli tölegli okuwlaryň we oýun merkezleriniň ähli görnüşlerine degişlidir.
Şol bir wagtda, hereket edýän arassaçylyk-öňüni alyş kadalaryny berk berjaý etmek, şeýle hem 09:00-dan 20:00-a çenli iş tertibini saklamak şerti bilen dellekhanalaryň we tikinçilik atelýeleriniň işine rugsat bermekligiň möhleti 1-nji marta çenli uzaldylýar.
Bulardan başga-da, sport ýaryşlarynyň ählisini, şol sanda uniwersiadalary we spartakiadalary geçirmeklige, metjitlere we beýleki mukaddes ýerlere zyýarat etmeklige gadaganlygyň möhleti hem bellenilen senä çenli uzaldyldy.
Ýazyň ilkinji gününe çenli ýolagçy demir ýol gatnawlaryna, şäherara awtobus gatnawlaryna çäklendirmeler hem uzaldyldy.

düýn 19:22
1.1k+

EA Microsoft-a 500 mln dollardan gowrak tygşytlamaga kömek etdi

Emeli aň Microsoft korporasiýasyna soňky bir ýylda koll-merkezleriniň işinde 500 mln dollardan gowrak tygşytlamaga mümkinçilik berdi diýip, Bloomberg habar berýär. Bu barada maglumaty Microsoft-yň baş täjirçilik müdiri Jadson Oltoff aýtdy...

düýn 19:19
2.7k+

“Muzeýdäki gije” komediýasy täze wakalar we gahrymanlar bilen täzeden düşüriler

20th Century studiýasy meşhur “Muzeýdäki gije” (Ночь в музее) franşizasyny täzeden başlamagyň üstünde işleýär. Täze komediýanyň çykjak senesi heniz belli däl diýip, Variety ýazýar. Sýužet hem gizlin saklanýar, ýöne wakanyň gije eksponatlaryň janlanýan şol bir muzeýinde bolup geçjekdigi belli...

düýn 19:17
898

YouTube EA tarapyndan döredilen kontentiň üsti bilen gazanç etmegi çäklendirer

15-nji iýuldan YouTube emeli aňyň kömegi bilen döredilýän kontentden girdeji gazanmak mümkinçiligini çäklendirmek üçin hyzmatdaşlyk programmasynyň düzgünlerini täzelär. Bu barada kompaniýanyň resminamalaryna salgylanyp, TechCrunch neşiri ýazýar...

düýn 19:15
1.1k+

Ilon Mask ylmy açyşlara ukyply Grok 4 neýroulgamyny hödürledi

Ilon Maskyň xAI kompaniýasy Grok 4 neýroulgamyny hödürledi. Işläp düzüjileriň nygtamagyna görä, ol öňki wersiýadan on esse kuwwatlydyr. Täze model çylşyrymly meseleleri çözmäge ukyply bolup, PhD derejesinden (ylymlar kandidaty derejesine barabar) ýokary bilim derejesini görkezýär...