Apple amerikan korporasiýasy dünýäde iň uly smartfon satyjysy boldy. 2020-nji ýylyň 4-nji çärýeginiň jemi boýunça Apple dünýä bazarynyň 23,4% rekord paýyny eýeläp, Samsung-dan öňe geçdi. Bu barada shraibikus.com habar berýär.
Geçen ýylyň soňky 4 aýy Apple üçin 2020-nji ýylda iň üstünlikli döwür bolup, bu brendiň 90,1 million gurluşy satyldy.
Çärýegiň jemi boýunça ikinji orunda bazaryň 19%-ini eýelän Samsung kompaniýasy ýerleşýär. Üçünji orun Xiaomi kompaniýasyna degişli bolup, onuň yzyndan degişlilikde, dördünji we bäşinji orunlary eýelän Oppo we Vivo gelýär. Huawei kompaniýasy 6-njy orna düşdi. Bu döwürde Huawei hytaý kompaniýasynyň üpjünçiligi 42,4% pese gaçdy, bu 32,3 million gurluşa deňdir.
Eger-de ýylyň netijelerini göz öňünde tutsak, bu ýerde Samsung liderlik edýär, ikinji orny Apple, üçünji orny Huawei eýeleýär, onuň yzyndan Xiaomi, Oppo, Vivo we Realme ýerleşýär.
Apple kompaniýasynyň hasabatyna görä, 2020-nji ýylyň soňky çärýeginde maliýe girdejisi 111,4 milliard dollar bolup, bu bir ýyl ozalkydan (91,8 milliard dollar) 21% köpdür. Korporasiýanyň metbugat relizinde bu görkezijiniň kompaniýanyň tutuş taryhynda rekorddygy we iň ýokary görkezijiniň iPhone 12, ykjam elektronika we hyzmatlar satuwynda gazanylandygy bellenilýär.