Realme dünýäde müňlerçe ownuk söwda dükanlaryny açmagy meýilleşdirýär

Realme dünýäde müňlerçe ownuk söwda dükanlaryny açmagy meýilleşdirýär

Realme kompaniýasynyň baş müdiri Li Binçžun ownuk söwda dükanlaryny gurmagyň meýilnamalary we brendiň 2020-nji ýyldaky satuw netijeleri barada habar berdi. Bu barada 3dnews.ru belläp geçýär.

Kompaniýa 2018-nji ýylda esaslandyryldy we tutuş dünýäde smartfonlary ýola goýmak boýunça iki ýyldan gowrak wagtyň içinde Realme ýedinji orny eýelemegi başardy. Noýabr aýynda kompaniýanyň 2020-nji ýylyň üçünji çärýeginde 14,8 million smartfon satandygy belli boldy. Bu görkeziji 2019-njy ýyldaky netijeden 45% ýokarydyr. 2020-nji ýylyň ikinji çärýegi bilen deňeşdirilende, Realme satuwy 132% ýokarlandyryp bildi.
2020-nji ýylyň iýul aýynda Realme smartfonlaryny tutuş dünýäde eýýäm 40 million adam ulanýardy. Häzirki wagtda kompaniýa önümlerini dünýäniň 60-dan gowrak döwletinde satýar. Counterpoint kompaniýasynyň hasabatyna görä, Realme dünýäniň 12 bazarynda öňdebaryjy brendleriň bäşligine girýär. Kompaniýa Filippinlerde birinji orny eýeleýär, Hindistanda ol dördünji orna çykdy.