Saud Arabystanynyň hökümeti iri amerikan korporasiýalarynyň paýnamalaryny satyn aldylar. Degişli maglumat gymmatly kagyzlar we birža boýunça amerikan komissiýasyndan alyndy.
Eýeçilik paýy Saud Arabystanynyň Garaşsyz gaznasy tarapyndan satyn alyndy. Bu ýagdaý pandemiýa sebäpli bu kompaniýalaryň paýnamalaryna baha kesilmeginiň pese düşmegi esasynda bolup geçdi.
Şeýlelikde, saud hökümeti Boeing kompaniýasynyň $713,7 milllion möçberdäki paýnamasyny, Citigroup bankynyň $522 million möçberdäki we şol möçberde Facebook kompaniýasynyň paýnamasyny, Disney kompaniýasynyň $495,8 million möçberdäki paýnamasyny, Bank of America bankynyň $487,6 million möçberdäki paýnamasyny satyn aldy.
Şeýle-de, saudlar Uorren Baffete degişli bolan Berkshire Hathaway fondunyň hem paýnamalar toplumyny satyn aldylar.
Regnum agentliginiň öň habar bermegine görä, saud Garaşsyz gaznasy bir aý mundan öň Ýewropanyň dört sany iri nebit kompaniýalarynyň bir milliard dollar möçberdäki paýnamasyny satyn aldy. Ýagny, gazna birnäçe hepdäniň içinde Norwegiýanyň Equinor, Royal Dutch Shell iňlis-golland kompaniýasynyň, Total fransuz nebit kompaniýasynyň we Eni italýan kompaniýasynyň paýnamalaryny satyn aldy.
Саудовский суверенный фонд PIF приобрел доли в крупнейших компаниях США
- 18.05.2020 22:45
- 4.7k+
