«Grand Theft Auto VI-nyň» ilkinji gije-gündiziň dowamyndaky deslapky sargytlary 39 million nusgadan geçdi, olardan gelen umumy girdeji bolsa, çaklamalara görä, 3 milliard dollardan aşdy. Bu bolsa oýnuň resmi çykarylyşyndan hem öň bolup geçýär.
Öňünden sargytlaryň ilkinji tolkunynyň satuwlar başlanandan soň bir sagadyň dowamynda doly resmileşdirilendigi habar berilýär. Standart neşir 80 dollardan, goşmaça oýun içindäki mazmuny bolan giňeldilen wersiýasy bolsa 100 dollardan hödürlenýär.
Dürli çaklamalara görä, taslamanyň işlenip düzülýän býujeti 1-den 2 milliard dollara çenli bolup, bu oýny industriýanyň taryhyndaky iň gymmat taslamalaryň birine öwürýär.
«GTA VI-nyň» wakalary «Waýs-Sitide» bolup geçýär. Baş gahrymanlar Jeýson we Lusiýa bolar. Öndürijiler şeýle hem uly açyk dünýäni, oýun içindäki sosial ulgamy, köp sanly tötänleýin wakalary we interaktiw ýerleri mälim etdiler.
«Grand Theft Auto VI-nyň» 2026-njy ýylyň 19-njy noýabryna çykarylmagy meýilleşdirilýär. Bu 2013-nji ýylyň sentýabrynda «Grand Theft Auto V» çykandan soň, seriýanyň 13 ýylyň dowamynda çykan ilkinji täze bölegidir.
Oýnuň resmi saýtynyň rus dilindäki wersiýasy peýda bolandan soň, ulanyjylar taslamanyň rus dilinde goldaw aljakdygyny çakladylar. Şol bir wagtyň özünde, «Red Dead Redemption 2»-niň tejribesine esaslanyp, oýunçylaryň bir bölegi terjimäniň diňe subtitrler bilen çäklenip biljekdigini hasaplaýarlar.
