Folio Society neşirýaty Jorj R. R. Martiniň «Tagtlar oýny» («Игра престолов») romanynyň kaşaň görnüşli kolleksiýa neşiriniň çykaryljagyny yglan etdi. Kitabyň çykmagy meşhur fentezi tapgyrynyň başlangyjy bolan «Buzuň we oduň aýdymy» toplumynyň ilkinji romanynyň çap edilmegine 30 ýyl dolmagy mynasybetli meýilleşdirilýär.
Söwdalar 2026-njy ýylyň 14-nji iýulynda başlar. Neşir diňe 1000 sany belgilenen nusgadan ybarat çäkli möçberde çykar. Bahasy 2200 dollar bolan her bir nusga, tyllaýy nagyşlar bilen bezeler we belliklenen sahypanyň ýüzüne Martiniň özi tarapyndan şahsy gol çekiler. Kitabyň daşky jildi hakyky deri bilen örtülen, aždarha hamyna meňzeş tagtalardan ýasalar. Sahypalaryň gyralaryna-da altyn çaýylar.
Kitap ýörite dizaýnda ýasalan gabyk-gutuda hödürlener. Gutynyň içki tarapy mahmal bilen örtüler, onuň içinde karta üçin ýörite gizlin bölüm göz öňünde tutulandyr.
Ýubileý kitaby 872 sahypadan ybarat bolar. Romanyň şekil bezeglerini suratkeş Jonatan Býurton ýerine ýetirdi. Giriş sözüni bolsa Martiniň kärdeşi, meşhur fentezi romanlarynyň awtory Jo Aberkrombi ýazdy.
