Dünýä belli Random House neşirýaty «Çokundyran ata» ("The Godfather") romanynyň älemine degişli täze kitabyň çap ediljekdigini mälim etdi. «Konni» diýlip atlandyrylan bu täze roman 2027-nji ýylyň güýzünde okyjylara gowuşar we ol Korleone maşgalasynyň taryhyny dowam etdirer.
Kitabyň awtory, ozal «Ädikçiniň aýaly» we «Lucia, Lucia» ýaly meşhur eserleri ýazan ýazyjy zenan Adriana Trijianidir. Baş gahryman bolsa don Wito Korleoneniň ýeke-täk gyzy Konstansiýa Korleone bolar.
Eseriň mazmuny dolulygyna Konniniň şahsy durmuşyna we onuň mafiýa maşgalasyndaky ornuna gönükdiriler. Bu eser «Çokundyran ata» äleminde zenan ýazyjynyň elinden çykan we asyl nusganyň awtory Mario Pýuzonyň mirasdarlarynyň resmi taýdan makullan ilkinji kitaby bolar.
– «Konni» – nähili bolmalydygy özünden öň eýýäm çözülen dünýäde öz ýoluny gurjak bolýan zenan baradaky romandyr. Adamlaryň don Wito Korleone we Maýkl Korleone hem göwünleri ýermändi. Konni Korleone bilen hem edil şonun ýaly bolar – Adriana Trijiani öz gahrymanynyň ykbaly barada gürrüň berýär.
Täze kitap esasynda film surata düşürmek barada entek dil ýarýan ýok.
