Artur Konan Doýluň kitaplaryndaky Şerlok Holmsyň äleminden ady belli duşman bolan professor Moriarti hakynda aýratyn serial düşüriler. Taslama klassiki gahrymanyň keşbiniň häzirki zaman äheňinde gaýtadan janlanmasy bolar diýip, "Deadline" neşiri habar berýär.
Serialyň sýužeti gahrymanyň jenaýat psihologiýasy boýunça mugallymçylyk işi bilen utgaşdyrylýan gizlin jenaýatçylykly hereketlerine gönükdiriler.
Sinopsise görä, Moriarti Angliýanyň demirgazygyndaky Darem uniwersitetinde işleýär, ýöne şol bir wagtyň özünde jenaýatçylykly gurama ýolbaşçylyk edýär. Onuň guramasyna bäsdeşleri tarapyndan hüjüm edilende, professor özüniň "garaňky" durmuşyny gizläp, polisiýa bilen hyzmatdaşlyk etmäge mejbur bolýar.
Baş keşbi kimiň janlandyrjakdygy heniz belli däl. Mundan ozal ekranlarda bu keşbi Endrýu Skott, Reýf Faýns, Donal Finn we başgalar janlandyrypdy.
Taslamanyň önümçiligi bilen "Fremantle" we "Archery Pictures" kompaniýalary meşgullanarlar. Täze serial üçin ssenarini Kris Kornuell we dramaturg Oliwer Lensli taýýarladylar.
