Disney kompaniýasy «Buz eýýamy: Gaýnama nokady» (Ледниковый период: Точка кипения) animasiýa filminiň ilkinji tizerini görkezdi. Multfilmiň premýerasy 2027-nji ýylyň 5-nji fewralyna meýilleşdirildi.
Neşir edilen gysgaça beýanata görä, bu gezekki täze başdangeçirmeler tanyş gahrymanlaryň toparyny Ýitirilen dünýäniň entek öwrenilmedik, näbelli künjeklerine elter.
Bu meşhur franşizanyň ilkinji bölümi 2002-nji ýylda ekranlara çykypdy. Ony Maýkl Bergiň, Maýkl J.Wilsonyň we Piter Akermanyň ýazan ssenarisi esasynda Kris Wej we Karlos Saldana düşürdi. Multfilm dünýä prokatynda 383,3 million dollar girdeji gazandy.
Häzire çenli bu franşiza boýunça jemi bäş sany doly metražly multfilm, birnäçe ýörite telewideniýe goýberilişleri, gysga göwrümli taslamalar we wideooýunlar döredildi.
«Buz eýýamy-6» franşizanyň Blue Sky studiýasynyň doly ýagdaýda Disney kompaniýasynyň garamagyna geçmeginden soňra çykaryljak ilkinji doly metražly filmi bolar.
