Meşhur amerikan aktýory we režissýory Klint Istwud kino pudagyndaky karýerasyny tamamlady. Bu barada onuň ogly habar berdi.
31-nji maýda Istwud 96 ýaşyny doldurdy. Onuň soňky režissýorlyk işi 2024-nji ýylda ekranlara çykan «Oturdaş № 2» (Присяжный номер два) filmi boldy.
Aktýor hökmünde bolsa Istwud iň soňky gezek mundan bäş ýyl ozal, özüniň şol bir wagtyň özünde režissýorlyk eden «Erkekleriň gözýaşlary» (Мужские слёзы) filminde ekrana çykdy.
Ol dünýä derejesindäki meşhurlygyny western we polisiýa uruşly filmlerindäki rollary arkaly gazandy. Onuň gatnaşmagyndaky iň belli kinolaryň hatarynda «Gowy, erbet, gazaply», «Bir gysym dollar üçin» we «Kirli Garri» ýaly eserler bar.
Özüniň karýerasynyň dowamynda Istwud 40-dan gowrak filmi surata düşürdi. Olaryň arasynda «Million dollarlyk gyzjagaz», «Syrly derýa» we «Gran Torino» ýaly meşhur kinolar bar. Ol jemi dört gezek «Oskar» baýragynyň eýesi boldy.
