Keniýanyň kazyýeti Ebola ýokanjy bilen kesellän ABŞ-nyň raýatlaryny öz ýurdunyň çäginde saklamakdan we olary ýörite gurnalan meýdan gospitalynda bejermekden resmi taýdan ýüz dönderdi. Bu barada Amerikanyň belli The Washington Post gazeti habar berýär.
Bu karar ABŞ-nyň prezidenti Donald Trampyň adminstrasiýasynyň amerikan raýatlaryny Keniýanyň çägindäki wagtlaýyn lukmançylyk edarasyna ýerleşdirmek baradaky çykaran buýrugyna garşylyk hökmünde kabul edildi. Ak Tamyň ýolbaşçylary Keniýada bu wirusy ýokuşdyranlar we olar bilen galtaşykda bolan adamlar üçin ýörite bejeriş we karantin merkezini döretmegi meýilleşdiripdi.
Gazetiň berýän maglumatyna görä, Keniýanyň kazyýeti bu karary amerikan häkimiýetleriniň şeýle desganyň işe başlandygyny yglan eden gününde çykardy. Gurlan meýdan gospitaly Kongo Demokratik Respublikasynda dowam edýän Ebola epidemiýasynyň barşynda wirusa sezewar bolan 50 adama çenli hassany kabul etmek üçin niýetlenipdi.
Bu çäre Amerikanyň hökümetiniň meýilnamasynda wirus ýokma ähtimallygy bolan raýatlaryň yzyna, ýagny ABŞ-nyň öz çägine dolanmak we keseli ýurduň içine ýaýratmak töwekgelçiligini azaltmak üçin amala aşyrylypdy. Ýöne, görnüşi ýaly, Keniýa-da öz halkynyň saglygyny we howpsuzlygyny öňe sürüp, muňa rugsat bermedi.
