ABŞ-nyň administrasiýasy Ebola keseline ýolugan amerikan raýatlaryny bejergi we karantin üçin Keniýa ibermek barada meýilnama taýýarlady. Bu barada The New York Times gazeti ygtybarly çeşmelere salgylanyp habar berdi.
Neşiriň maglumatyna görä, Keniýada ýörite merkez döretmek göz öňünde tutulýar. Ol ýerde wirus ýokan hassalar bilen bir hatarda, olar bilen galtaşykda bolan adamlar hem ýerleşdiriler. Waşington şeýle usul bilen hassalananlaryň ABŞ-nyň çäklerine dolanyp gelmek we wirusy ýaýratmak töwekgelçiligini azaltmagy maksat edinýär.
Mundan öň hem Amerikanyň Birleşen Ştatlary öz raýatlaryny daşary ýurtlarda bejertmek tejribesinden peýdalanypdy. Şonda wirus ýokan bir lukman Germaniýa iberildi, soňra bolsa ýene-de alty sany amerikan raýaty bejergi almak üçin Germaniýa we Çehiýa äkidildi.
Keseliň ýaýramagy netijesinde Bütindünýä Saglygy Goraýyş Guramasy (BSGG) Kongo Demokratik Respublikasynda we Ugandada Ebola bilen bagly hadysalary adatdan daşary ýagdaý diýip yglan etdi. BSGG-niň maglumatlarynda bu ýurtlarda takmynan 221 adamyň wirusyň pidasy bolandygy bellenilýär.
