Britaniýanyň «Burberry» brendi 2026-njy ýylyň güýz-gyş möwsümi üçin futbol we janköýerleriň medeniýetinden ylham alan «A Good Sport» atly kampaniýasyny hödürledi.
Markanyň döredijilik direktory Deniel Li surata düşürmek üçin aktýorlary, türgenleri we modelleri ýygnady. Tribunalarda Jeýson Sudeýkis (Ted Lasso serialynda Lassonyň roluny ýerine ýetiriji), Romeo Bekhem (Dewid Bekhemiň ogly) we tailandly ýyldyz Waçirawit Çiwaari bar. Aktrisa Lýusi Panç oýundan öň iýmit awtomobiliniň ýanynda başagaýlap durýar, britaniýaly aktýor Stiwen Grem bolsa çagalaryň ýekşenbe günki futbol toparynyň tälimçisiniň keşbini janlandyrýar.
Mundan başga-da, kampaniýada futbolçylar Deklan Raýs, Son Hyn Min, Ebereçi Eze we Liýa Uilýamson, şeýle hem modeller Rouzi Hantington-Uýtli we Nilam Gill surata düşdüler.
Kolleksiýa polo köýnekçelerini we «Burberry Check» nyşanly şarflary, trençleri, parkalary we «Harrington» kurtkalaryny birleşdirýär. Täze aksessuarlaryň arasynda brend egreldilen sudurly «Primrose» sumkasyny we «Knight Runner» krossowkalaryny aýratyn belledi.
