Saud Arabystanynyň «Al-Nasr» klubunyň we Portugaliýanyň milli ýygyndysynyň hüjümçisi Kriştianu Ronaldu Hytaýyň meşhur tehnologiýa brendi bolan Dreame kompaniýasynyň dünýä derejesindäki global ilçisi boldy.
Ronaldunyň keşbi brendiň esasy önümçilik ugurlaryny durnukly ösdürmek we mahabatlandyrmak üçin ulanylar. Bu önümlere öýleri we daşky gurşawy intellektual arassalamak üçin enjamlar (robot tozansorujylar), uly durmuş tehnikalary, şahsy ideg enjamlary (fenler we ş.m.) hem-de kiçi aşhana enjamlary girýär.
Bu bilelikdäki uly mahabat kampaniýasy üçin «Dreame to Win» (Ýeňiş gazanmak üçin arzuw et) diýen şygar saýlandy.
— Bu hyzmatdaşlyk ýöne bir hemaýatkärlik şertnamasy däldir. Bu tehnologiýa bazarynyň öňdebaryjylarynyň biri bilen dünýä derejesindäki ýeňşiň we düzgün-nyzamyň global nyşanyna öwrülen türgeniň arasyndaky güýçli birleşikdir — diýip, Dreame kompaniýasynyň global prezidenti Kolm Çang belledi.
Bilşimiz ýaly, Dreame golaýda awtomobil bazaryna hem gadam basdy. Kompaniýa özüniň ilkinji elektromobilini – Nebula Next 01 Jet Edition modelini tanyşdyrdy.
Kompaniýanyň tassyklamagyna görä, bu täze superkar gaty ýangyçly tizlik utgaşdyryjylaryň goşa ulgamy we kuwwaty netijesinde sagatda 100 km tizlige 1 sekuntdan hem az wagtyň içinde ýetmegi başarýar.
