Mýanmada agramy 11 000 karat (2,2 kilogram töweregi) bolan uly goýy gyrmyzy-gyzyl ýakut tapyldy. Bu barada ýurduň Maglumat ministrligine salgylanýan Bloomberg agentligi habar berdi.
Mýanmanyň hökümeti daşy örän uly hem-de reňki we arassalygy boýunça seýrek duş gelýän daş hökmünde häsiýetlendirdiler. Ony çykaryp almak geologiki nukdaýnazardan kyn boldy.
Ýakut daşyny anyk kimiň tapandygy barada maglumat heniz aýan edilmedi. Tapyndynyň hususy topar ýa-da döwlet kompaniýasynyň altyn gözleýjileri tarapyndan tapylan bolmagy mümkin diýlip çaklanylýar.
Ýurtda öň hem has uly ýakutlaryň tapylandygyna garamazdan, bilermenler bu täze nusganyň dok gyrmyzy-gyzyl reňki we kristalyň hili sebäpli ýokary gymmata eýedigini belleýärler. Deňeşdirmek üçin, 1996-njy ýylda Mýanmada 21 400 karatlyk ýakut tapylypdy.
Bilermenler häzirki daşyň ululygynyň, reňkiniň we gurluşynyň utgaşmasy bilen tapawutlanýandygyny aýdýarlar we ony soňky ýyllardaky iň seýrek tapyndynyň biri hasaplaýarlar.
