«Barselonanyň» hüjümçisi Robert Lewandowski Hytaýyň Chery awtokompaniýasynyň dünýä derejeli global ilçisi boldy.
Kompaniýa bu ylalaşygyň futbolçynyň halkara derejesini we tutuş karýerasynyň dowamynda saklanan bazarlardaky ýokary özüne çekijiligini görkezýändigini belledi.
Chery bu hyzmatdaşlyk barada 18-nji maýda özüniň Barselonadaky Ýewropa dolandyryş merkezinde habar berdi. Ylalaşyga gol çekmek dabarasynda Lewandowskä «Chery Tiggo 9» atly täze gibrid krossoweriň açary dabaraly ýagdaýda gowşuryldy. Bu gymmat bahaly maşgala awtomobili 7 adamlyk giň salony we içi örän uly bagajy bilen tapawutlanýar. Ulagyň gibrid motory örän güýçli bolup, ol 428 at güýjüni we 580 Nm çekiş güýjüni öndürýär.
Biraz wagt ozal 37 ýaşly polşaly hüjümçi «Barselonanyň» düzüminde «Kamp Nou» stadionynda özüniň hoşlaşyk oýnuny geçiripdi. Futbolçy katalon kluby bilen şertnamasyny uzaltmazlyk barada karara geldi.
Lewandowski «Barselonanyň» düzüminde jemi dört ýyl geçirip, topar bilen bilelikde ýedi sany kubogy gazanmagy başardy.
