Nepally alpinist Kami Rita Şerpa 32-nji gezek Ewereste çykyp, dünýäniň iň belent nokadyna çykmagyň sany boýunça dünýä rekordyny täzeledi. Şol gün onuň watandaşy, 53 ýaşly Lhakpa Şerpa hem 11-nji gezek belentligi eýeläp, aýallaryň arasynda täze dünýä rekordyny goýdy diýip, «Himalayan Times» neşiri habar berdi.
Nobatdaky çykyşyny 55 ýaşly Kami Rita Şerpa ýekşenbe güni irden amala aşyrdy. Mundan öň alpinist sosial torlarda Ewerestdäki karýerasyny tamamlamak ähtimallygynyň bardygyny aýdypdy. Çäräni guraýan kompaniýanyň wekili türgeniň bolup biljek 33-nji çykyşy baradaky gutarnykly çözgüdini baza dolanyp gelenden soň kabul etjekdigini mälim etdi.
Kami Rita Şerpa Nepalyň iň meşhur belentlik ýolbeletleriniň biri hasaplanýar. Ol Ewereste guralýan täjirçilik ekspedisiýalaryna yzygiderli gatnaşyp, depä çykmagyň sany boýunça dünýä rekordyny saklaýar.
Lhakpa Şerpa bolsa Eweresti ilkinji gezek 2000-nji ýylda, ýagny ilkinji gyzy dünýä inenden sekiz aý soň we ikinji çagasyna göwreli wagty boýun egdiripdi.
