Apple-iň üpjünçilik zynjyry boýunça analitigi Ming-Çi Kuo Intel kompaniýasynyň iPhone-nyň, iPad-yň hem-de Mac-yň arzan we köne modelleri üçin prosessorlary öndürip başlandygyny habar berdi.
Onuň maglumatlaryna görä, sargytlaryň takmynan 80%-i iPhone enjamlaryna degişlidir.
Kompaniýa 2026-njy ýylda kiçi göwrümli synag işlerini geçirmegi, 2027-nji ýylda önümçilik göwrümini artdyrmagy we 2028-nji ýylda çykarylyşy has-da giňeltmegi meýilleşdirýär.
Şeýle hem Apple häzirki wagtda Intel-iň beýleki öňdebaryjy tehnologik proseslerini öwrenýär.
Intel-iň 2027-nji ýyla çenli ýaramly önüm çykaryşynyň maksatlaýyn görkezijisi 50–60% ýa-da ondan ýokarydyr. Şeýlelikde, analitigiň bellemegine görä, hatda sargytlar üstünlikli ýerine ýetirilip başlanan ýagdaýynda-da, TSMC bazaryň 90%-den gowragyny öz elinde saklap galar.
Çeşmäniň habaryna görä, Intel-iň içinde Apple-iň sargytlaryna bolan garaýyş dürli-dürlüdir. Iki kompaniýanyň arasyndaky gepleşikler entek TSMC-niň öňdebaryjy tehnologik prosesleri işläp düzmek üçin kuwwatlyklarynyň ýetmezçiligi ýüze çykmazdan ozal başlanypdy.
Apple kompaniýasy geljekde TSMC-niň serişdeleriniň has köp emeli aň bilen baglanyşykly taslamalara gönükdirilmegine garaşýar.
