Google kompaniýasy täzelenen Fitbit hatarynyň ilkinji enjamy bolan Fitbit Air fitnes-bilezigini tanyşdyrdy. Bilezigiň kemeri bilen bilelikdäki umumy agramy bary-ýogy 12 grama deňdir.
Enjam displeý bilen üpjün edilmedi, emma ol esasy datçikler, şol sanda ädim ölçeýji, optiki puls sensory, gandaky kislorodyň derejesini saklaýan infragyzyl datçigi we temperatura sensory bilen enjamlaşdyryldy.
Fitbit Air Bluetooth 5.0 arkaly smartfona birikmegi goldaýar. Kompaniýa akkumulýatoryň göwrümini aýan etmedi, emma enjamyň zarýad bermezden ýedi güne çenli işläp biljekdigini mälim etdi.
Fitbit Air-iň kemerleri bilegiň aýlawy 21 santimetrden az bolan ulanyjylar üçin niýetlenendir. Bilezigiň bahasy 100 dollar bolar. Şunda Google, ýyllyk abunany takmynan 200 dollar bolan Whoop serwisinden tapawutlylykda, hökmany abuna talap etmeýär.
Goşmaça hökmünde, ulanyjylar giňeldilen funksiýalardan peýdalanmak üçin aýda 10 dollar töläp, Health Premium ýazylyşygyny resmileşdirip bilerler.
Enjam üçin öňünden sargytlar eýýäm açyldy. Fitbit Air 26-njy maýda satuwa çykar.
