Apple kompaniýasy täze enjamlary çykarmak strategiýasyny düýpli üýtgedip, standart iPhone 17 modeliniň önümçilik we satuw döwrüni ep-esli uzaldýar.
iPhone 18-iň esasy nusgasynyň bazara çykarylmagynyň gijikdirilmegi netijesinde, häzirki modeliň "iň köp satylýan" statusyny has uzak saklamagyna we soňky ýyllaryň iň uzak ömürli smartfonyna öwrülmegine garaşylýar.
Soňky maglumatlara görä, Apple iPhone 17-ni her ýyl geçirilýän 11-nji noýabrdaky uly arzanladyşa taýýarlamak üçin önümçilik kuwwatyny giňeltmegi tamamlady. Mundan ozal ähli modelleri sentýabr aýynda birwagtda täzelemek däbi bolan bolsa, indi bu meýilnamadan dänildi.
Täze strategiýa laýyklykda, şu güýzde diňe iPhone 18 Pro, iPhone 18 Pro Max we täze eplenýän iPhone Ultra görkeziler.
Standart iPhone 18-iň satuwa çykarylmagy geljek ýylyň baharyna çenli yza süýşürildi. Bu karar geçen ýylyň sentýabryndan bäri satuwda birinjiligi elden bermeýän iPhone 17-niň bazardaky agdyklygyny has-da berkitmäge mümkinçilik berer.
2026-njy ýylyň birinji çärýeginiň netijeleri boýunça iPhone 17 dünýäniň ähli smartfon bazarynyň 6%-ini eýeläp, dünýäniň iň köp satylýan telefony diýlip ykrar edildi.
