Aýy öwrenmek we özleşdirmek boýunça halkara başlangyç bolan «Artemis» taslamasyna goşulan ýurtlaryň sany 64-e ýetdi.
Gysga wagtyň içinde bu maksatnama Latwiýa (20-nji aprel), Iordaniýa (23-nji aprel) we Marokko (29-njy aprel) goşuldy. Şeýlelikde, şu ýylyň başyndan bäri täze gatnaşyjylaryň umumy sany bäşe ýetdi.
ABŞ-nyň döwlet sekretarynyň orunbasary Kristofer Landaunyň sözlerine görä, ylalaşyga gatnaşýanlaryň sanynyň artmagy dünýä jemgyýetçiliginiň älem giňişligini jogapkärli özleşdirmäge bolan gyzyklanmasynyň ýokarlanýandygyny görkezýär. Bilermenler goşulýanlaryň sanynyň çalt artmagyny «Artemis 2» missiýasynyň üstünlikli durmuşa geçirilmegi bilen baglanyşdyrýarlar.
«Artemis» ylalaşygy bar bolan halkara şertnamalaryna esaslanyp, kosmosda howpsuz we durnukly bolmagyň ýörelgelerini belleýär. NASA bu resminama geljekki Aý bazasynyň üstünde işlemek üçin utgaşdyryjy platforma hökmünde garaýar.
Indiki tapgyrda, ýurtlaryň Aýyň ýüzündäki özara gatnaşyklaryny ýeňilleşdirmek üçin, Halkara kosmos bekedi (HKB) mysalynda hökümetara ylalaşygyň döredilmegi mümkin diýlip çaklanylýar.
