Emili Blant we Stenli Tuççi Los-Anjelesdäki Holliwudyň Şöhrat alleýasynda atly ýyldyzlara eýe boldy. Dabara akýorlaryň kärdeşleriniň we maşgala agzalarynyň gatnaşmagynda geçdi diýip, «People» neşiri habar berýär.
Artistleri goldamak üçin Blantyň ýoldaşy Jon Krasinski we Tuççiniň aýaly Felisiti Blant (Emiliniň uýasy), şeýle hem aktýorlar Meril Strip, Robert Dauni-kiçi, Mett Deýmon we Dueýn Jonson geldi.
Çykyşynyň dowamynda Mett Deýmon 65 ýaşly Tuççini we 43 ýaşly Blanty «legendalar» diýip atlandyrdy.
«Siz onlarça ýyl bäri yzygiderli ajaýyp işleri edip gelýärsiňiz we size tomaşa etmek uly lezzet berýär. Ýöne mundan başga-da, siziň ikiňiz meniň şu güne çenli Ýeriň ýüzünde duşan iň gowy görýän adamlarym» – diýip, ol belledi.
Emili Blant gatnaşyjylara beren goldawlary üçin minnetdarlyk bildirdi we bu wakanyň ähmiýetini nygtady. Stenli Tuççi bolsa, öz gezeginde, Meril Stripiň ony «milli gymmatlyk» diýip atlandyran sözleriniň özüni örän tolgundyrandygyny we muny durmuşyndaky iň ýokary baha bermeleriň biri hasaplaýandygyny aýtdy.
Ýatlap geçsek, 1-nji maýda Meril Stripiň, Emili Blantyň, Stenli Tuççiniň we Enn Heteueýiň ýene bilelikde gatnaşmagynda «Melgun Prada geýýär-2» filmi prokata çykdy.
