23 ýaşly nemes blogeri Tom Kopke paraşýutly böken wagty Rubigiň kubigini ýygnamak boýunça dünýä rekordyny goýdy. Bu barada Ginnesiň rekordlar kitabynyň resmi saýtynda habar berilýär.
Kopke Rubigiň kubigini ilkinji gezek 18 ýaşynda ýygnamagy öwrendi we şondan bäri öz tizligini artdyrmak üçin yzygiderli türgenleşdi.
«Men hatda Rubigiň kubigi bilen bagly birnäçe kyn meseleleri çözjek bolýandygym barada wideo hem düşüripdim we günleriň birinde ony paraşýutly böküp ýygnajakdygymy aýdypdym» – diýip, ol gürrüň berýär.
Bloger paraşýut sporty bilen rekord goýmazdan diňe birnäçe hepde öň meşgullanyp başlapdyr. Böküş pursatynda oňa güýçli howa akymy we kubigi elinden gaçyrmak gorkusy päsgel berdi.
Bu böküş fewral aýynda boldy. Sagatda 160 kilometrden hem uly tizlik bilen erkin gaçyş pursatynda Kopke kubigi 23,33 sekuntda ýygnamagy başardy. Bu görkeziji 2023-nji ýyldaky öňki rekorddan (28,25 sekunt) tiz boldy.
Blogeriň aýtmagyna görä, ol bu netijä birbada ynanmady we şol 23 sekunt oňa tutuş bir ebedilik ýaly göründi. Ol geljekde öz görkezijisini has hem gowulandyrmagy meýilleşdirýär.
