Toyota konserni Tokioda geçiriljek Field Style sergisine gabatlap, Land Cruiser 70 wnedorožniginiň täze görnüşini çykarmagy meýilleşdirýändigini yglan etdi.
Urban Heritage Style atly nusga 1980-nji ýyllaryň äheňinde işlenilip, 1984-nji ýyldan bäri önümçiligi yzygiderli dowam edip gelýän bu modeliň taryhy mirasyny nygtaýar. Täze «ýetmişinji» modeliň daşky görnüşi wintaž çäge reňki we ulagyň daşyndan aýlanýan gara gorag karkasy bilen tapawutlanar. Şeýle hem, teker diskleri hem kuzowyň reňkine laýyklykda çägesöw reňkde bolar. Ulagyň gapdallaryndaky retro äheňindäki grafiki şekiller dizaýna aýratyn görk berer.
Bu taslamanyň üstünde Land Cruiser modelleri üçin ätiýaçlyk şaýlaryny öndürmekde ýöriteleşen Land Cruiser Base bölümi işleýär. Häzirki wagtda kompaniýa tehniki üýtgeşmeler ýa-da salonyň täzelenmegi barada jikme-jik maglumat bermedi. Taslama Land Cruiser 70-iň hem şäher şertlerinde, hem ýolsuz ýerlerde ulanmak üçin örän amatlydygyny görkezmegi maksat edinýär.
Field Style sergisi 9-10-njy maý günleri Tokioda geçiriler.
2026-njy ýylyň dowamynda Toyota tarapyndan beýleki synag görnüşleriň hem tanyşdyrylmagyna garaşylýar, sebäbi markanyň ilkinji wnedorožnikleriniň önümçilige başlamagyna 75 ýyl doldy. Şeýle hem, mundan ozal Land Cruiser maşgalasynyň täze krossower we pikap modelleri bilen giňeldiljekdigi barada habar berlipdi.
