8-nji maýda Mary welaýatynda uçurymlaryň işe ýerleşmegine ýardam bermäge gönükdirilen «Boş iş orunlarynyň we hünärmenleriň ýarmarkasy» geçiriler. Bu barada Türkmenistanyň Bilim ministrliginiň metbugat gullugy habar berdi.
Çäre welaýatyň maliýe-ykdysady orta hünär okuw mekdebi tarapyndan Türkmenistanyň Senagatçylar we telekeçiler partiýasynyň welaýat geňeşi hem-de Zähmet we ilatyň iş bilen üpjünçiligi müdirligi bilen bilelikde guralýar.
Ýarmarka Mary şäheriniň Sergi zalynda döwlet we hususy edara-kärhanalaryň wekilleriniň gatnaşmagynda bolar. Uçurymlar öz hünär başarnyklaryny görkezip we iş berijiler bilen gönüden-göni gatnaşyk gurup biler.
Welaýatyň hususy kärhanalary öz önümleriniň tanyşdyrylyşyny geçirer we gerekli hünärmenleri saýlap alar. Işewürlik wekilleriniň gatnaşmagy uçurymlaryň taýýarlyk derejesiniň zähmet bazarynyň talaplaryna laýyk gelşine baha bermäge mümkinçilik döreder.
