9-njy maýda «Watan» kinokonsert merkezinde «Beýik Ýeňiş — kalplarda» («Великая Победа – в сердце каждого») atly konsert geçiriler.
Baýramçylyk çäresine Maýa Kulyýewa adyndaky Türkmen milli konserwatoriýasynyň mugallymy, tenor Meýlis Myratgeldiýew, solist Döwlet Ýoldaşow bilen «Grand music» saz topary gatnaşar. Ruslan Baltaýew baýanda sazandarlyk eder.
Guramaçylaryň bellemegine görä, «Beýik Ýeňiş — kalplarda» atly konsert pederlerimiziň söweş meýdanlarynda we tylda görkezen edermenliklerine bagyşlanýar. Konsertde uruş ýyllarynyň kalba ýakyn aýdymlary ýaňlanar.
Konsert sagat 19:00-da başlanýar.
Habarlaşmak üçin telefon belgileri: +993 62937441, +993 61794691.
