Hytaýyň FullDepth kompaniýasy «Bionic Arowana» atly robotlaşdyrylan balygyny hödürledi. Bu roboty akwariumlarda saklanylýan hakyky arowana balygynyň ornuna, täze bir alternatiwa hökmünde ulanmak maslahat berilýär.
Arowana – Amazonka derýasynda ýaşaýan uly süýji suw balygydyr. Bu balyga diňe janly iýmitiň, ýörite görkezijileri bolan örän arassa suwuň we äpet akwariumlaryň gerekdigi sebäpli saklamak örän kyndyr.
Arowanalar tebigatda 122 santimetre çenli ösüp bilýärler. «Bionic Arowana» robotynyň uzynlygy 69 sm, beýikligi 20 sm, agramy bolsa 3,8 kg. Ol hakyky balygyň hereketlerini gaýtalaýar we tizligi sagatda 1,9 km-e ýetýär.
Akkumulýatorynyň bir gezekki zarýady takmynan 12 sagat işlemäge ukyply robot, akwariumyň içinde özbaşdak ýüzüp, 20 metr çuňluga çenli çümüp bilýär. Şeýle hem ony uzakdan dolandyrmak funksiýasy bar, ýöne ol diňe suwuň ýüzünde işleýär.
Häzirlikçe bu önüm Hytaýdan daşarda satuwa çykarylmady. Onuň takmynan bahasy 5000 müň dollar töweregi bolar diýlip garaşylýar. Öndürijiniň bellemegine görä, hakyky arowana balyklarynyň bahasy käwagt ýüzlerçe müň dollara çenli ýetip bilýär. Muny göz öňünde tutanyňda, hakykatdan hem robot-balyk has amatly we aňsat çözgüt bolup durýar.
