Sony Pictures kinostudiýasy «Azat edilen Jango» («Джанго освобожденный») we «Zorronyň nykaby» («Маска Зорро») filmleriniň gahrymanlarynyň resmi krossoweri boljak «Jango/Zorro» atly filmiň üstünde işläp başlady.
Filmiň ssenariýasy Kwentin Tarantinonyň 2014-nji ýylda Mett Wagner bilen bilelikde ýazan ýedi sany komiks seriýasyna esaslanýar. Taslamanyň edebi esasyny ýazmak «Losi-Anjelesiň syrlary» («Секреты Лос-Анджелеса») we «Syrly derýa» («Таинственная река») ýaly filmleri bilen tanalýan «Oskar» baýragynyň eýesi Braýan Helgelende ynanyldy.
Filmiň wakalaryna görä, hakyna baş kesmekde tanalýan Jango rowaýaty Zorrolaryň ilkinjisi – Don Diego de la Wega bilen duşuşýar. Tarantino bu taslamanyň başlanmagyna özüniň şahsy rugsadyny berse-de, režissýorlyk etjege meňzemeýär. Täze kino baradaky gürrüňler baryp, 2019-njy ýylda başlapdy. Ýöne pandemiýa sebäpli işler togtadylmaly boldy. Häzir bolsa hukuk meseleleri çözülenden soň, Sony önümçilige gaýdyp geldi.
Şol bir wagtyň özünde, Tarantinonyň dünýäsine degişli ýene bir taslama – «Bir wagtlar... Holliwudda» («Однажды... в Голливуде» ) filminiň «Kliff Butuň başdan geçirmeleri» («Приключения Клиффа Бута») atly spin-offy hem taýýarlanylýar. Bu filmi Dewid Finçer «Netflix» üçin surata düşürýär.
